Qazaqstan ilbaşı Qasıym Comart-Toqayev comğa könne xökümätne tarqatu turındağı ukazğa qul quydı.

Bu ukaz yäkşämbe könge ilneñ yaña parlamentı öçen saylawlardan soñ Qazaqstan İlbaşı idaräseneñ matbuğat xezmäte tarafınnan bastırıldı.

Yal könnärendäge saylawlar Qazaqstannıñ yaña 145 äğzadan torğan Qorıltayı öçen berençe saylaw buldı, ul bıyıl yaña konstituśiya qabul itelgännän soñ iske palatalı parlamentnı alıştırdı.

Yäkşämbe könne uzğan parlament saylawlarında Qazaqstannıñ xökümät yaqlı “Ğadellek” partiyase tawışlarnıñ 71% tan artığın cıydı.

Parlamentka kergän başqa 4 partiya ğadättä Toqayev citäkçelegen yaqlawçı partiyalär dip sanala.

Yäkşämbe könge saylawlar bıyıl qabul itelgän yaña konstituśiya arqasında uzdı, ul parlamentnı ike palatalı sistemadan ber palatalı sistemağa üzgärtte.

Uzğan aynı Qazaqstan Yuğarı mäxkämäse yaña konstituśiya Toqayevqa yaña 7 yıllıq srokka saylanırğa mömkinlek birä dip qarar çığardı.

Êlekkege sovet diplomatı häm Berlӓşkӓn Millӓtlӓr Oyışmasınıñ yuğarı wazifalı keşese Toqayev 2019 yıldan birle Urta Aziyaneñ iñ zur iqtisadı bulğan Qazaqstan belän citäkli.

Toqayev Könbatış, Rusiyä häm Qıtay belän cılı mönäsäbätlär saqlıy.