Germaniya tışqı êşlär ministrı Yoxann Vadeful Änkara citäkçelege belän tağın da yaqın xezmättäşlek başqarırğa süz birde. Ul Awrupa berlegeneñ 173 milliard dollarlık urtaq saqlanu programmasına Törkiyä häm Angliya kebek NATOnıñ töp partnyerlarınıñ da quşıluı zarurlığın citkerde.
Nemetś ministr Vadeful Törkiyäneñ nıqlı häm ışanıçlı NATO berlektäşe buluın häm berlekneñ saqlanu programmalarına quşıluı kiräklegen äytte.
Vadeful comğa könne Berlinda Törkiyä tışqı êşlär ministrı Xaqan Fidan belän oyıştırğan matbuğat oçraşuında Törkiyäne möhim geostrategik partnyer itep kürülären häm mönäsäbätlärdä yaña bit açarğa teläwlären äytte.
Awrupa berlegeneñ saqlanu sälätlären köçäytü öçen 150 milliard yevrolık urtaq saqlanu programmasın küz uñında totıp: “Awrupa berlegeneñ “SAFE” programmasınıñ ähämiyätle NATO partnyerları bularaq Törkiyä häm Böyekbritaniyağa çığu zarurlğına ışanam. Törkiyä härwaqıt bik ışanıçlı häm totrıqlı NATO partnyerı ide. Germaniya xökümäte bularaq ike yaqlı mönäsäbätlärebezne yaña däräcägä citkerü öçen tırışabız,” – dide.
NATO berlektäşläre belän Törkiyä arasında tağın da yaqın bäyläneşlär
Sentäbrdä NATO ğomum särqätibe Mark Rutte da Törkiyäneñ Awrupa Berlege qorallanu programması “SAFE”ka quşıluın xuplawın äytkän ide.
Berlek ilçeläre belän ütkärgän ber cıyılışta Rutte Törkiyäneñ “SAFE” programmasına möräcäğat itüeneñ Awrupa saqlanu xezmättäşlegen häm NATO ahäñen nığıtaçağın belderde.
Ul Törkiyäneñ xärbi sälätläreneñ anı Awrupa öçen waz kiçelmäs iminlek aktyerı yasawın assızıqladı.
“SAFE” programması Awrupa komissiyaseneñ “ReArm Europe Planı/Readiness 2030”nıñ ber öleşe bulıp saqlanu çığımnarında 800 milliard yevrodan artıq resurslarnı mobilizaśiyaläwne maqsat itep quya.
