AQŞta êşçänlek başqaruçı hawa yulı kompaniyäläre 2 meñ 700dän artıq oçışnı ğamäldan çığarğan, 10 meñnän artıq reys soñğa qalğan.
Bu xäl AQŞ xökümäte yabılğannan birle ber kön êçendä küzätelgän iñ zur citeşezlek bulğan.
Zur aviaśiya şirkätläre oçışlarnıñ ğamäldän çığarıluı häm soñğaruına kitergän hawa xäräkätendäge citeşsezleklär belän köräşä.
Bu ayıruça “Delta Air Lines” kompaniyäsenä nıq täêsir itkän. Şirkätneñ yäkşämbe könge oçışlarınıñ 52%ı ğamäldän çığarılğan yäki kiçekterelgän.
Matbuğatta qanun çığaruçı organnıñ xökümät yabıluın tuqtatu öçen kileşügä ireşüe turındağı farazlar taralğan. Yabılu xäzer 40nçı könenä kergän.
AQŞ ilbaşı Donal’d Tramp xökümät êşçänlege tuqtalıp torunı beteräçäk kileşüneñ yaqında tözeläçägen belderde.
Tramp Aq Yortqa qaytqanda jurnalistlarğa: “Kürüebezçä yabılu yaqında tämamlanaçaq”, -dide.
AQŞ Senatı yäkşämbe kiçendä qısqa möddätle finanslaw turındağı qanun proyektın tawışqa quyu öçen cıyıldı.
Dokument qabul itelsä, Wäkillär palatasına cibäreläçäk, annan soñ Trampnıñ qul quyuı öçen Aq Yortqa tapşırılaçaq; bu isä xökümätneñ qabat êşli başlawına kiteräçäk.
