Tailand armiyäse düşämbe könne yasağan belderüendä Kambodja belän soñğı çik buyı bäreleşlärendä 1 ğäskärineñ şähit buluın, berniçä keşeneñ yaralanuın belderde.

İke yaq ta ber-bersen höcümnärne başlawda ğäyepli.

Düşämbe irtäsendä Ubon Ratçatxani provinśiyäsendä Kambodja ğaskärläre Tailand köçlärenä ut açqannan soñ Tailand armiyäse süzçese Vintay Suvare belderü yasadı.

“Armiya Tailand ğaskrärlärenä höcüm buluı häm 1 ğaskärineñ ülüe, 4eseneñ yaralanuı turında xäbärlär aldı”,- dide Suvare.

Kambodja saqlanu ministrlığı süzçese Mali Soçeata Tailand köçläreneñ düşämbe irtäsendä çik buyı provinśiyälärennän Preax Vixear häm Oddar Minçidäge Kambodja ğaskärlärenä höcüm itülären, Kambodjanıñ cawap qaytarmawın äytte.

İke il arasındağı çik buyı kileşmäwçänlege iyül’ ayında 5 könlek suğışqa kiterde. Annan soñ AQŞ ilbaşı Donal’d Tramp belän Malayziya prem’yer-ministrı Änwär İbrahim aradaşçılığında utnı tuqtatu kileşüenä qul quyıldı.

Tramp oktyabr’ ayında Kuala-Lumpurda ike il arasında kiñäytelgän utnı tuqtatu kileşüenä qul quyuğa yärdäm itte.