Amerikalı diplomat Stiv Uitkoff ğaräp häm möselman liderlarğa täqdim itelgän 21 matdälek Ğazzä planınıñ buluın äytte.

AQŞ ilbaşı Donald Trampnıñ maxsus wäkile Stiv Uitkoff Trampnıñ bu atnada ğaräp häm möselman liderlar belän ütkärgän cıyılışta Ğazzä suğışın beterü öçen plan täqdim itüen açıqladı. Şul arada Ğazzäneñ xärbi bulmağan saqlanu agentlığı İzrail höcümnärendä distälägän keşeneñ ülüen belderde.

Aylar buyı däwam itkän aradaşçılıq êşçänleklärendä qatnaşqan Uitkoff Trampnıñ sişämbe könne BMO ğomum şurasınıñ utırış aralarında uzğan cıyılışta “Yaqın Könçığış häm Ğazzä öçen matdälek tınıçlıq planı” täqdim itüen belderde.

Uitkoff bolay dip citkerde: "Kiläse könnärdä alğarışnıñ täêmin itelüen citkerü ömete bar, xätta üzebezgä ışanabız dip äytergä bula.”

Uitkoff plannıñ İzrail borçuları belän töbäktäge barlıq illärneñ borçuların üz êçenä aluın äytte läkin centekle mäğlümat birmäde.

Älege cıyılışta qatnaşqan xökümätlärneñ urtaq belderüendä liderlarnıñ ilbaşı Tramp belän xezmättäşlek başqaru yöklämälären qabatlawları häm suğışnı tuqtatu öçen anıñ liderlığınıñ ähämiyäten assızıqlawları urın aldı.

Netanyaxu Awstraliya, Angliya, Kanada häm Franśiya dä aralarında bulğan illärneñ Fälästinne tanu öçen artqan xalıqara xuplawnı kire qaqtı.

Netanyaxu: “Qayber liderlarnıñ Fälästin terrorçılığına oyatsız buysınuı İzrailne borçımıy. Fälästin däwläte bulmayaçaq,” – dide.

Ğazzädäge wazğıyät isä könnän-kön naçaraya. Ğazzäneñ xärbi bulmağan saqlanu agentlığı İzrail çärşämbe könne oyıştırğan höcümnärdä distälägän keşeneñ ülüen, bolar arasında Ğazzä şähärendäge Firas bazarına yaqın saqlağıçtağı 22 keşeneñ buluın belderde.

Video yazmalarda töbäk xalqınıñ xäräbälär arasında keşelärne êzläwen, xatın-qızlarnıñ isä käfengä törelgän mäyetlär yanında yılawın kürep bula.

Ğazzäneñ grajdannarnı saqlaw agentlığı şulay uq Xan Yunıstağı ber yärdäm taratu üzäge yanında tağın 8 keşeneñ ülüen citkerde. İzrail armiyase bu waqıyğadan xäbärdar bulmawın belderde.

İzrail armiyase 2023 yılnıñ oktäbrennän birle Ğazzädä genośid başqara. Bu höcümnärdä kübese xatın-qız häm balalar bulğan 65 meñnän artıq fälästinle ülde. İzrail xalıqara utnı tuqtatu çaqıruların kire qağa.

Uzğan noyabr ayında Xalıqara cinayät mäxkämäse İzrail Başministrı Binyamin Netanyahu häm êlekke Saqlanu ministrı Yoav Gallantnı Ğazzädä suğış cinayätläre häm keşelekkä qarşı cinayätläre arqasında qulğa alu orderın birde.

Regiondağı suğışı arqasında BMO Xalıqara mäxkämäsendä dä genośidta gäyeplänep İzrailgä qarşı mäxkämä êşe başlatıldı.

BMO İzrailneñ Ğazzädä genośid başqaruı turında näticä yasadı.

Vaşington citäkçelege küptännän berlektäşe bulğan İzrailgä yılına 3,8 milliard dollarlık xärbi yärdäm kürsätä. AQŞ 2023 yılnıñ oktäbrennän birle Ğazzädäge genośid häm kürşe illärdäge suğış öçen İzrailgä 22 milliard dollardan artıq yärdäm kürsätte.

Qayber yuğarı däräcäle Amerikalı räsmi zatlar Ğazzädäge yuğarı ülem küläme arqasında İzrailne tänqıytläsä dä, Vaşington citäkçelege xäzergä qadär qoral cibärü mäs’äläsendä üzenekendä tordı.