İzrail köçläre Yordannıñ basıp alınğan Könbatış yarında uzdırılğan zur külämle operatsiyälärdä yaqınça 100 fälästinlene saq astına aldı. Waqıyğa şahitläre “Anadolu Agetnlığı”na äytüençä, bu soñğı aylarda iñ massaküläm totqarlaw kampaniyälärennän berse buldı.

İzraille ğaskärilär çärşämbe könne Nablus, Salfit, Cänin, Tulkarem häm berniçä başqa şähärçekkä basqın oyıştıra. “Anadolu agentlığı” xäbärçese beldergänçä, Nablusta yaqınça 50 keşe, Salfitta -15, Ärixada - 13 häm Könçığış Qudüstä 20 keşe totıqlana. Alarnıñ qayberläre soraw aludan soñ cibärelä.

Cänindä saq astına alınğannar arasında 2006nçı–2007nçe yıllarda Fälästin xökümäte räise urınbaşarı häm mäğarif ministrı bulğan Nassär äl-Şair dä bar. Şahitlär äytüençä, anı berniçä säğat totqannan soñ cibärgännär.

Qanunsız İzrail köçläreneñ fälästinlelärgä höcümnäre däwam itä. İzrailneñ Ğazzägä qarata qırğıy suğışı belän bergä, Yordannıñ basıp alınğan Könbatış yarında basqınnar da köçäyä. 2023 yılnıñ oktyabrennän birle anda, kimendä, 1092 fälästinleneñ ğomere İzrail höcümnärendä özelä häm yaqınça 11000 keşe yaralana,. Monnan tış, 21000nän kübräk keşe saq astına alınğan.