Bötendönya meteorologiya oyışması beldergänçä qızularğa kiterä torğan Êl-Nin’o klimat küreneşeneñ yıl axırına qadär sizelerlek köçäyüe kötelä, bu 2027 yılğa qadär êkstremal hawa torışı qurqınıçın arttıraçaq.

Bötendönya meteorologiya oyışması Êl-Nin’o klimat küreneşe turında yañartılğan xisap bastırdı.

Xisaptan kürengänçä Êl-Nin’o bik näticäle räweştä urnaşqan häm anıñ 2027 yılnıñ fevralenä qadär däwam itü ixtimalı bik yuğarı.

Xisapta tübändäge yullar urın ala: “Êl-Nin’o aldağı aylarda bik köçle waqıyğağa äylänaçäk, yawım-töşemgä häm temperatura rejimnarına zur yoğıntı yasayaçaq; su basu, qorılıq häm êkstremal êsselek qurqınıçın arttıraçaq. Tropik Tın okeandağı ğadättän tış cılı okean şartları belän köçäyä torğan Êl-Nin’o kiläse aylarda tağın da köçäyäçäk häm anıñ klimat yoğıntısı 2027 yılğa qadär däwam itäçäk dip kötelä.”

Xisapta Êl-Nin’o iñ nıq sizelä torğan töbäk bulğan üzäk-könçığış êkvatorial Tın okenda diñgez öslege temperaturası urtaçadan sizelerlek yuğarıraq häm artuın däwam itüe assızıqlana.

Xisapta bolay diyelä: “Okean öslege astında tağın da ğadättän tış temperaturalar küzätelä. Qayber urınnarda iyul häm avgust başında okean astı temperaturası urtaça 8 graduska yuğarıraq bulğan. Öslek häm okean astı şartları Êl-Nin’o däwam itäçägen häm kiläse aylarda köçäyaçägen kürsätä.”

Xisapta şulay uq Êl-Nin’o yoğıntısınıñ citdilegen ber ildä yäki töbäktä genä bilgeläp bulmıy çönki ul yıl fasılına qarap üzgarä dip bilgeläp ütelä.