Awrupa Berlege belän Qıtay arasında tamğaxanä salımnarı belän bäyle kiyerenkelek däwam itsä dä, Qıtay däwlät başlığı häm İrlandiya premyer-ministrı ike il arasındağı iqtisadi xezmättäşlekne nığıtunı söyläşte.

Qıtay däwlät başlığı Si Cinpiñ häm İrlandiya premyer-ministrı Mixol Martin düşämbe könne iqtisadi bäyläneşlärne tiränäytüdän tış Qıtay belän Awrupa Berlege arasındağı mönäsäbätlärne dä qaradı.

Martin biş kön däwam itäçäk söyläşülär öçen yäkşämbe könne Qıtay başqalası Pekinğa kilde.

Si bolay dide: "Üzara xörmät, tigezlek häm üzara fayda - Qıtay - İrlandiya mönäsäbätläreneñ ozın möddätle häm totrıqlı üseşennän alınğan qimmätle täcribälär," – dide.

Martin pänceşämbe könenä qädär däwam itäçäk säfärendä Şanxayda yuğarı däräcäle Qıtay räsmi zatları häm eşmäkärläre belän küreşäçäk.

Qıtay tışqı eşlär ministrlığı süzçese Mao Niñ belderüençä, Si Cinpiñ tübändägeçä citkerde: "İke taraf mönäsäbätlärne üsterergä tiyeş. Qıtay, strategik êlemtäne köçäytü, üzara säyäsi ışanıçnı tiränäytü häm xezmättäşlekne kiñäytü, ike xalıqqa kübräk fayda tä'min itü häm Qıtay-Awrupa mönäsäbätlärenä kübräk êtärgeç birü öçen İrlandiya belän êşlärgä äzer," – dide.

İrlandiyaneñ Aziyadäge iñ zur iqtisadi partnyerı

Si Cinpiñ Qıtay häm Awrupa Berlegeneñ ozın möddätle qaraş cähaten saqlap qaluı, partnyer bularaq bergä êşlärgä süz birüe, ayırmalıqlarnı obyektiv häm raśional räweştä çişüe häm üzara faydalı xezmättäşlekne däwam itterüe zarur," – dide.

İrlandiya xökümätennän yasalğan belderügä qarağanda, Martin ike il arasındağı köçle iq’tisadi mönäsäbätneñ ähämiyäten assızıqladı.

Qıtay yılına yaqınça 42 milliard dollarlık säwdä küläme belän İrlandiyaneñ Aziyadäge iñ zur iqtisadi partnyerı häm global däräcädä bişençe iñ zur partnyerı bulıp tora.

İrlandiya belderüendä Si Cinpiñneñ Qıtaynıñ İrlandiya belän strategik êlemtäne häm säyäsi ışanıçnı tiränäytüne ömet itüen häm xalıqara mäs’älälärdä küpyäqlı xezmättäşlekneñ ähämiyäten assızıqlawın äytüe citkerelde.

İke lider da küpyäqlılıqqa häm Berläşkän Millätlär Oyışması avtoritetına tuğrı qaluların yañadan raslap, Qıtay häm Awrupa Berlege arasındağı bäyläneşlärneñ tağın da kiñräk qısada üseşen qaradılar.