İlbaşı Räcäp Tayyip Ärdoğan AQŞ däwlät başlığı Donald Tramp belän telefon aşa söyläşte. Anda Törkiyä belän AQŞ arasındagı ikeyaqlı mönäsäbätlär, şulay uq, töbäk häm global' mä'sälälär qaraldı.

İlbaşı Ärdoğan töbäktäge konflikt waqıtında utnı tuqtatunı ozaytu qararın uñay bäyäläwen, bäxäsle mä'sälälärne aqıllı xäl itü mömkinlegenä ışanuın häm konstruktiv başlanğıçlarnı xuplawnı däwam itäçägen belderde.

İlbaşı Ärdoğan, Süriyädä totrıqlılıq urnaştıru böten töbäk öçen zur qazanış buluın bilgeläp ütep, Törkiyäneñ Süriyägä yärdäme özleksez däwam itäçägen häm Livandagı wäzğıyät'neñ naçarayuına yul quymasqa kiräklegen belderde.

İlbaşı Ärdoğan NATOnıñ Änkara sammitına äzerlek êşläre baruın häm sammitnıñ barlıq yaqtan da uñışlı ütüen täêmin itü öçen barlıq tırışlıqnı quyaçağın äytte.

Törkiyä liderı, monnan tış, AQŞ ilbaşı Trampqa San-Diyegodağı mäçetkä bulğan qotoçqıç höcüm nisbätennän qayğı urtaqlaşuın belderde häm Törkiyäneñ, nindi dini törkemgä höcüm itelüenä qaramastan, mondıy näfrät ciñayätlärenä qarşı toruın äytte.