İran däwlät televideniyese “IRIB” xäbär itüençä, İran xärbi oçqıçı kilep töşkän häm oçqıçtağı ike pilotnıñ berse hälaq bulğan.

“IRIB” Telegram aşa yasağan belderüdä hawa köçläre oçqıçınıñ ilneñ könbatışındağı Hämädan şähärenda tönlä ütkärelgän künegülär waqıtında kilep töşüen citkerde.

Belderüdä: “Hälakät säbäbe tikşerelä”, – dip äytelde.

Waqıyğa AQŞ İran tiräsendä zur külämdä xärbi köç tuplağan waqıtta buldı.

AQŞ ilbaşı Donal'd Tramp, İranınıñ atom bombası citeşterüenä qomaçawlaw öçen Yaqın Könçığışqa xärbi köymälär, xärbi oçqıçlar häm başqa xärbi cihazlar urnaştırdı.

 Tähran isä mondıy adımnı kire qağa.

Tramp uzğan ayda İrannıñ protestçılarğa qarata ütergeç ğamällären häm soñğı waqıtta atom programmasın säbäp itep kürsätep xärbi xäräkät belän yanadı.

Tramp pänceşämbe könne İrannıñ kileşü tözü öçen maksimum 15 kön waqıtı barlığın äytte, yuğıysä AQŞnıñ höcüm itäçägen belderde.

İran AQŞ xärbi yanawların häm höcümnären tormışqa aşırğan oçraqta AQŞ bazalarınıñ, qorılmalarınıñ häm aktivlarınıñ qanuni maqsatlarğa äylänäçägen kisätte.