İlbaşı Räcäp Tayyip Ärdoğan New-Yorkta oyıştırılaçaq Berläşkän Millätlär Oyışması Ğomum şurası yuğarı däräcäle atnalığında qatnaşu öçen yäkşämbe könennän başlap AQŞqa dürt könlek säfär yasıy.
Törkiyä Cömhüriyäte İlbaşı idaräseneñ êlemtä başlığı Burhanettin Duran şimbä könne yasağan belderüendä Ärdoğannıñ yuğarı däräcäle ğomum söyläşülär başlanaçaq sişämbe könne 81nçe BMO Ğomum şurasına (General assambleyasına) möräcäğät itäçägen belderde.
Bıyılğı utırışı "Işanıçnı torğızu, üzgäreşlärne idarä itü: härkem öçen näticä birüçe BMO" teması belän oyıştırıla.
Ärdoğannıñ säfäre waqıtında BMO Ğomum särqatibe Antoniu Guterreş häm törle illärneñ däwlät häm xökümät başlıqları belän ikeyaqlı söyläşülär ütkärüe dä kötelä.
Däwlät başlığının monnan tış AQŞta yäşäwçe törek watandaşlarınıñ wäkilläre, törek-amerikan êş dairäläre häm töşençä oyışmalarınıñ qatnaşuında oyıştırılaçaq törle çaralarğa baruı küzdä totıla.
Bu säfär dönya liderlarının Nwew-Yorkta xalıqara diplomatik fiker alışularnıñ töp mäydançıqlarınıñ berse bulğan yıllıq BMO Ğomum şurası (General assambleyası) öçen cıyılğan waqıtqa turı kilä.
