Yaponiyädä  Dujuan tayfunı arqasında 4 keşe hälaq bulğan.

Yaponiya Meteorologiya agentlığı belderüendä Dujuan tayfunınıñ Yaponiyäneñ üzäk häm könçığışındağı Tın okean yarlarına taba xäräkät itüe belderelde.

Tayfun kiterep çığara alğan köçle yawım-töşem häm cir şuışularına qarşı başqala Tokiodan 100 çaqrım könyaqta urnaşqan İzu-Oşima utrawında iñ yuğarı däräcädä kisätü iğlan itelgän.

Yaponiyädäge 5 könlek yal çorına turı kilgän tayfun arqasında başqala Tokioda transport xezmätlärendä özekleklär küzätelä, qayber çaralar ğamäldän çığarılğan.

45 meñ öydä êlektr ênergiyäse birelmi, tayfunnıñ Tokionıñ könçığışındağı Çiba töbägenä ütep kerüe kötelä.

Tayfun Tokioda köçle yañğırlarğa, Çiba häm Kanagava töbäklärendä isä cir şuışularğa kitergän.

Wäqalätlelär  Çiba häm Kanagavada tayfun arqasında 4 keşeneñ hälaq buluın belderde.

Tokiodağı Xaneda aêroportına kilüçe häm annan kitüçe  270tän artıq reys ğamäldän çığarılğan, bu isä yaqınça 40 meñ keşegä täêsir itkän.

“Nikkei” gazetı xäbärenä kürä, Tokio häm anıñ tirä-yağındağı 6 töbäktän tuplam 1,9 million keşe küçerelgän.