Venesuêlanıñ başqalası Karakasta ilbaşı sarayı yaqınında atışlar häm şartlawlar işetelgän. Bu turıda cirle matbuğat häm sotsial mediada çıqqan, tik möstäqil räweştä raslanmağan videolar xäbär itä.
Internetqa quyılğan videolarda awır qorallı keşelär häm Miraflores sarayı tiräsendä urnaşqan xärbi kolonnalar kürenä.
Videoda iminlek köçläreneñ saray yanındagı uramnarnarda patrul'lek itüen kürergä bula.
Cirle çığanaqlar äytüençä, başta saray äylänäsendä tanılmağan dronnarnıñ oçuı turında xäbärlär kilgän, kiçke säğat 8larda atu tawışları bula. Räsmi zatlar älege xäl turında xalıqqa mäğlümat birmäwe säbäple, keşelärneñ başı butalğan.
Yaralanular yäki ülü oçraqları turında däwlät xäbär citkermi, kürelgän zıyan xaqında da äytüçe yuq
Bu waqıyğa, däwlät başlığı Nikolas Maduro häm anıñ xatını Silia Floresnı atna axırında AQŞ xärbi operatsiyase waqıtında totqarlawdan soñ, Delsi Rodrigesnıñ ilbaşı wazıyfasın başqaruçı bularaq ant itüennän berniçä säğat ütkäç buldı.
Räsmilär saray yanında bulgan waqıyğalarnıñ ildäge säyäsi krizis belän turıdan-turı bäyläneşle buluın raslamadı.
