Törkiyä Cömhüriyäte Däwlät başlığı Ärdoğannıñ Qazaqstan oçraşuları başqala Astanadan başlana.
Bäysezlek sarayında Qazaqstan İlbaşı Qasıym Comart Toqayev belän qara-qarşı küreşep söyläşäçäk Ärdoğan annan soñ wazıyfadaşı belän bergä Törkiyä-Qazaqstan Yuğarı däräcäle strategik xezmättäşlek şurasın alıp baraçaq.
Söyläşülärdä "qamilläşterelgän strategik urtaqlıq" däräcäsendäge ikeyaqlı mönäsäbätlär böten yaqları belän bäyälänäçäk häm ike il arasındağı strategik bağlanışlarnıñ nığıtıluına yünälgän adımnar qarap çığılaçaq.
Säwdä külämendä maqsat 15 milliard dollar
Säfärneñ iqtisad öleşendä ike il arasında bilgelängän 15 milliard dollarlıq säwdä küläme maqsatı häm ênergetika ölkäsendäge xezmättäşlek proyektları östenlekle kön tärtibe mäddäläre arasında urın alaçaq. Bu qısada törle ölkälärdä yaña xezmättäşlek protokollarına häm kileşülärenä qul quyıluı kötelä. Monnan tış Ärdoğan häm Toqayevnıñ, Törkiyä-Qazaqstan Êş forumında qatnaşıp, här ike ilneñ êşmäkärläre belän oçraşuı häm kapital salu forsatların bäyäläwe küzdä totıla.
Törki dönyanıñ ruxi başqalasında liderlar sammitı
Astanadağı oçraşulardan soñ Törki dönyanıñ mäğnävi-ruxi başqalası Törkistanğa kitäçäk İlbaşı Ärdoğan biredä Törki däwlätlär oyışmasınıñ räsmi bulmağan Liderler sammitında qatnaşaçaq.
Yuğarı däräcäle oçraşu qısalarında yasayaçaq çığışında Yaqın Könçığıştağı könüzäk täräqqiyätlär belän bergä regional häm global mäs’älälärgä qağılışlı möhim yullamalarnı citkerüe kötelgän Ärdoğan sammitta qatnaşuçı däwlät häm xökümät başlıqları belän ikeyaqlı söyläşülär dä ütkäräçäk.
