Êkvador ilbaşı Daniêl’ Noboa iyün’ ayında törmädän qaçqan häm başına million dollar külämendä büläk quyılğan şäxesneñ Kolumbiyada qabat qulğa alınuın xäbär itte.

39 yäş’lek Rolando “Fede” Gomes Êkvadornıñ iñ köçle bandalarınnan Los Chonerosnıñ qorallı qanatı Los Aguilas citäkçese buluda ğäyeplänä.

Cirle matbuğatta pänceşämbe könne urın alğan xäbärlärgä qarağanda, ğıynwarda saq astına alınğan Gomes iyün’ ayında Gvayakil port şähärendäge törmädän xärbi kiyem kiyep qaçqan bula.

Êkvador êçke êşlär ministrı John Reymberg X platformasında Gomesnıñ Kolumbiyanıñ Medel’in şähärendä başqa isemgä yasatılğan dokument belän totıluın belderde.

Şul uq waqıtta ilbaşı Noboa anıñ kükrägendä tatuirovka kürenep torğan külmäksez fotoräsemen dä urtaqlaştı.

"Êkvador artqa çigenmi. Monda mafiya tügel, ä qanunnar xökem sörä”,– dip belderde Noboa häm üzeñeñ säyäsi kiläçägen cinayät’lär däräcäsen töşerügä häm oyışqan cinayät’kä qarşı köräşkä bağışlawın assızıqladı.

Qayçandır Latın Amerikasınıñ iñ imin illärennän sanalğan Êkvador xäzer iñ qurqınıç illär arasında urın ala.

Dön’yadağı iñ zur kokain citeşterüçelär bulğan Kolumbiya häm Peru belän ber isemlektä bulğan Êkvador dön’yanıñ kokain belän täêmin iteleşeneñ 70%ı öçen başlangıç noqta dip sanala.

Kolumbiya poliśiyäse Gomesnıñ Medel’indä cirle häm xalıqara narkobandalar belän yaña yünäleşlär buldırırğa häm üz çeltärlären kiñäytergä tırışuı turında uylawların belderde.