“Xamas” äğzase bulğan Mäxmüt Mardavi bu media xisaplarınıñ “Xamas”nıñ torışın üzgärtep kürsätergä tırışuın äytte.

Fälästinle qarşılıq kürsätü törkeme “Xamas” AQŞ lbaşı Donald Trampnıñ Ğazzä planı qısalarında qoralların tapşırunı qabul itüe xaqındağı media xäbärlären yalğan dip belderde.

Monnan aldağı media xäbärlärendä “Xamas”nıñ xalıqara tikşerü astında Fälästin-Misır komitetına qoralların tapşırunı qabul itüe äytelgän ide.

“Xamas”nıñ yuğarı däräcäle äğzase Mäxmüt Mardavi belderü yasap: “Utnı tuqtatu söyläşüläreneñ barışı häm “Xamas”nıñ qoral tapşıruı mäs’äläsendäge totışı xaqında qayber media organnarında urın alğan yalğan xäbärlärne qatğıy räweştä kire qağabız,” – dide.

Mardavi bu media xäbärlären nigezsez dip atadı häm “Xamas”nıñ totışın üzgärtep kürsätergä tırışuın äytte.

Şulay uq media oyışmaların mäğlümatlarnı döres itep citkerergä häm ışanıçlı çığanaqlarğa tayanırğa çaqırdı; jurnalistlarnıñ ğaybät yäisä döres bulmağan süzlärgä ışanmaw zarurlığın citkerde.

Misır Trampnıñ Ğazzä planı qısalarında äsirlär belän almaşu kileşüeneñ neçkäleklären söyläşer öçen düşämbe könne “Xamas” häm İzrail wäkilleklären qabul itäçäk.

29 sentäbr könne AQŞ ilbaşı Donadl Tramp izraille äsirlärneñ häm fälästinle totqınnarnıñ irekkä çığarıluın, utnı tuqtatunı, “Xamas”nıñ qoralsızlandırıluın häm Ğazzäneñ qabat tözekländerelüen üz êçenä aluçı 20 maddälek planın açıqladı.

“Xamas” prinśipta bu plannı qabul itte häm monnan soñğı adımnar öçen söyläşülärneñ Misırda uzuı planlaştırıla.

İzrail xazergä qadär kübese xatın-qız häm balalar bulğan 67 meñnän artıq fälästinlene üterde.

Ğazzäneñ zur öleşen cimergän İzrail töbäktäge xalıqnıñ kübesen yortsız qaldırdı.