Malinıñ tönyaq-könçığışındağı Menaka töbägendä, “DEAŞ” terrorçı oyışması tarafınnan başqarılğan höcüm näticäsendä, 48 tınıç keşe hälaq buldı häm küp keşe yaralandı.

İdarä itüçe organ bulğan İdaqsaxaq cämğıyäte başqarma bürosınıñ yazmaça belderüendä 18 oktyabrda mototsikllarda kilgän keşelärneñ Menaka töbägendäge Taqadayat toraq punktında tınıç xalıqqa höcüm itüe äytelä.

Belderüdä, başlanğıç bäyäläwlär bıynça, 48 tınıç keşe hälaq buluı, küp keşeneñ yaralanuı, häm höcümne “DEAŞ” başqaruı xäbär itelä.

Belderüdä höcümnän soñ küp keşe üz yortların taşlap kitärgä mäcbür bulğan, häm gailälär, şul isäptän, xatın-qızlar, balalar häm ölkännär, Menaka şähärendä sıyınu urını êzlägän dip bilgeläp ütelä.

Belderüdä töbäktäge gumanitar xälneñ naçarayuı assızıqlana.