AQŞ ilbaşı Donald Tramp İrannıñ bayıtılgan uran zapasların torgızunıñ "ozın häm awır protsess" bulaçagın belderde.
Düşämbe könne yasagan belderüendä Tramp 2025 yılnıñ iyunendä İrannıñ atom-töş qorılmalarına qarşı üze boyırgan höcümnärgä sıltama yasap: "Tönge çükeç" operatsiyäse - İrandagı atom-töş tuzanı qorılmaların tulısınça häm hiçşiksez yuq itü buldı" - dide.
AQŞ ilbaşı höcümnärneñ inde küptän İrannıñ atom-töş programmasın "yuq itüen" raslıy, küptän tügel ul uran zapasların "tuzan" dip atadı.
Tramp: "Şuña kürä anı çıgaru ozın häm awır protsess bulaçaq", - dide.
Trampnnıñ älege süzläre Paqıstandagı yugarı däräcädäge söyläşülär aldınnan yañgıradı.
Yakşämbe könne Tramp AQŞ wäkilläreneñ söyläşülär öçen İslamabadqa oçaçagın citkerde, läkin Tähran älegä räsmi räweştä qatnaşuın raslamadı häm AQŞnıñ Ormuz bugazındagı blokadasın beterüne taläp itte.
Paqıstan 1979 yılda diplomatik mönäsäbätlär özelgännän birle AQŞ häm İran arasındağı berençe tur yugarı däräcädäge söyläşülärne 11-12 apreldä İslamabadta uzdırdı, läkin söyläşülär näticäsez tämamlandı.
