Aljir däwlät başlığı Abdelmäcid Täbbun çärşämbe könne yasağan belderüendä Izrailneñ Ğazzädä tormış itüne mömkin bulmastay xälgä kiterergä tırışuın citkerde häm Izrailneñ höcümnäreneñ “Fälästinne yuq itä almayaçağın” assızıqladı.

Belderüendä ul Izrailneñ Fälästin xalqına qarşı däwam itüçe höcümnäreneñ xalıqara xoquq häm xalıqara gumanitar xoquqnıñ töp qağıydälären açıq räweştä bozuın bilgeläp uzdı.

Abdelmäcid Täbbun Izrailneñ Ğazzädä tormış itüne mömkin bulmastay xälgä kiterergä tırışıp qına qalmawın, Yordannıñ basıp alınğan Könbatış üzänlege häm Qudüstä Fälästin cirlären dä üzläşterüen söyläde.

"İzrailneñ däwam itüçe höcümnäre Fälästinne yuqqa çığara almayaçak," dip äytte ul häm bolay dip östäde: “Izrail monı Ğazzäneñ asqormasın daimi räweştä cimerü, sälamätlek saqlaw sistemasın nişanğa alu, qamalış häm açlıq urnaştırıp, xalıqara xoquqnıñ töp qağıydälären bozıp höcümnärne däwam itterü arqılı başqarırğa teli”.

Abdelmäcid Täbbun xalıqara cämgıyätne Izrailneñ xalıqara xoquqnı ütäwen täêmin itü öçen barlıq tırışlıqların kürsätergä çaqırdı. Ğazzädä qamalışnı tiz arada tulısınça qaldıru häm gumanitar yärdämne xalıqqa citkerü öçen barlıq çik noqtaların açu möhim.

Ul Aljirnıñ Fälästin däwläteneñ BMOda tulı äğza buluın täêmin itüne yaqlawın qabat raslap monı "Fälästin xalqınıñ üz-üzen bilgeläw häm üz däwläten buldıru xoquqların täêmin itü yünäleşendä töp adım" dip atadı.