Törkiyä saqlanu sänägäte üzeneñ cirle häm milli texnologiyaläre belän dönya külämendäge köçen könnän-kön arttıra. Bu tiz üseşne xalıqara xakimiyätlär dä iğtibar belän küzätep bara.
Dönyadağı iñ zur 100 saqlanu şirkäten bäyäläwçe AQŞnıñ abruylı xärbi oyışması “Defense News” tarafınnan yıl sayın tözelä torğan “Defense News Top 100” isemlege açıqlandı.
“ASELSAN” 40nçı, “TUSAŞ” 48nçe urında
Törkiyäneñ 5 saqlanu şirkäte dönyadağı iñ zurlar rätenä kerä aldı.
“ASELSAN” êlektron suğış, êlemtä häm radar sistemalarındağı köçe belän üseşen däwam itte.
Uzğan yıl belän çağıştırğanda 3 basqıçqa kütärelgän şirkät 40nçı urınnı aldı häm Törkiyäneñ isemlektäge iñ yuğarı däräcäle wäkile buldı. “TUSAŞ” - 48nçe urında.
Citeşterü kuäte häm tiz üseşe belän ayırılıp torğan “ARCA” dönya saqlanu gigantları rätenä quşılıp, isemlektä 53nçe urınnı aldı.
Raketa häm xärbi kiräk-yaraqlar texnologiyaläre ölkäsendä möhim proyektlarnı ğamälgä aşırğan “ROKETSAN” şirkäte 64nçe urınğa kütärelde.
Awır qoral häm xärbi kiräk-yaraqlar citeşterüdä köçle bulğan “MKE” şirkäte – 81nçe urında.
İsemlektäge 5 törek şirkäteneñ saqlanudan alğan ğomumi kereme 14 milliard 900 million dollarğa citte.
Uzğan yıldağı kebek ük “Lockheed Martin” isemlek başında tora.
