Kongo Demokratik Cömhüriyätendä Yuğarı xärbi mäxkämä sişämbe könne êlekke däwlät başlığı Jozef Kabilanı ülemgä xökem itte.

Başqala Kinsaşadağı mäxkämä iğ’lan itkän qararğa qarağanda, Kabila ğıys’yan xäräkätendä qatnaşu, Watanga xıyanät, cäfalaw-intekterü häm suğış cinayät’lären dä kertep berniçä cinayät’tän ğäyeple dip tabılğan.

Kabilaga qağılışlı mäxkämä êşe, senat may ayında anıñ qağılğısızlığın betergännän soñ iyül’dä başlanğan ide.

Kabila M23 ğıys’syançıları tarafınnan Kongonıñ könçığışında başqarılğan dip farazlanğan cinayät’lärdä qatnaşuda ğäyeplände.

Mäxkämä Kabilanıñ Goma häm Bukavu kebek provinśiya başqalalarında doşmanlıq xäräkätlären citäkläw öçen cıyılışlar ütkärüen häm M23 ğıys’yançıların öyrätü lagerların tikşerüen belderde.

Kabila 2001 yıldan 2019 yılğa qadär ilne citäkläde.

2023 yıldan birle kübräk Kön’yaq Afrikada yäşi.

Ämma yıl başında Kongonıñ könçığışında xalqı aldına çıqqan Kabila däwam itüçe krizisqa çişeleş tabuğa öleş kertü öçen ilenä qaytırğa teläwen belderde.

Kongonıñ könçığışında Afrikanıñ iñ ozaq däwam itkän bäreleşlärennän berse küzätelä.