İrlandiyäneñ RTÉ  televideniyese tarafınnan yasalğan yazma belderüdä ilneñ kiläse yılğa da bäygedä qatnaşu poziśiyäseneñ üzgäreşsez qalaçağı citkerelde.  

Belderüdä “RTÉ Ğazzädäge qurqınıç däräcälärgä citkän ülemnär, şulay uq küp sanda grajdannarnıñ tormışına yanawçı gumanitar krizisnı isäpkä alıp, İrlandiyäneñ bäygedä qatnaşuı aqlanmıy dip sanıy” diyelde.

RTÉ  şulay uq xalıqara jurnalistlarnıñ Ğazzägä kerüe äle dä tıyılğan buluınnan tirän borçıluın belderde.

Uzğan yıl İzrail qatnaşu säbäple qayber illär, şul isäptän İrlandiya  bäygedä qatnaşmasqa qarar qıldı.

2023 yıldan birle Ğazzädä genośid başqaruçı İzrail 2025 häm 2026 yıllarda da bäygedä ciñü yawlarğa cıyınğan ide, läkin ike tapqır ikençe urınnı aldı.

Kiläse yılğı çara 15 mayda Bolgariyäneñ Qara diñgez yarındağı Burgas şähärendä uzaçaq.