Törkiyä Ğazzägä yärdäm citkerergä tırışqan global’ Sumud flotına İzrailneñ höcümen ğayepläp, anı tınıç xalıqnı qurqınıç astına quyğan terror ğamäle dip bäyäläde.
Tışqı êşlär ministrlığı belderüendä:
"Köç qullanmıyça tınıç maqsatlar belän xäräkät itkän tınıç xalıqnı nişan itep aluçı bu höcüm – Ğazzäne açlıqqa xökem itkän genośidçı Netan’yaxu xökümäteneñ faşist säyäsäteneñ fälästinlelär belän genä çiklänmäwen häm İzrailneñ zolımına qarşı köräşüçelärneñ barısın da nişan itep aluın isbatlıy", – dip äytelde.
Belderüdä şulay uq: "İzrail köçläre tarafınnan totqarlanğan watandaşlarıbıznıñ häm başqa yulçılarnıñ tiz arada irekkä cibärelüe öçen kiräkle barlıq çaralar kürelä", – dip belderelde.
Global’ Sumud flotı delegaśiyäsennän cawap
Global’ Sumud flotınıñ Törkiyä delegaśiyäse dä İzrailneñ xalıqara sularda qoralsız gumanitar yärdäm xezmätkärlärenä qanunsız höcümen ğyepläde.
Delegaśiya beldergänçä, İzrail ğäskärläre cirle waqıt belän 20 säğat’ 30 minut tiräsendä Alma, Sirius häm Adara köymälärenä qanunsız räweştä kerde, köymälärneñ êlemtälären özep, yärdäm çaqıruğa kirtä quydı.
"Şaqtıy köymägä höcüm yasalğan bulsa da, Global’ Sumud flotı haman da Ğazzä yarınnan 60 diñgez mile yıraqlıqta häm üz yulın däwam itä", – dip äytelde belderüdä.
Delegaśiya xökümätlärne, dön’ya liderların häm xalıqara oyışmalarnı köymädäge keşelärneñ iminlege häm irekkä cibärelüe öçen êşkä kereşergä häm wäzğıyät’ne yaqınnan küzätergä çaqırdı.
Bu waqıyğa Törkiyä häm başqa xökümätlär qanunsız dip bäyälägän İzrailneñ Ğazzägä blokadasın alğı planğa çığardı.
Änkara küp tapqırlar xalıqara cämäğat’çelekne yärdäm konvoyların saqlarğa häm gumanitar yärdämnärne kirtäsez räweştä töbäkkä citkerüne täêmin itärgä çaqırdı.
Tışqı êşlär ministrlığı belderüendä höcümneñ Ğazzäne açlıqqa xökem itkän genośidçı Netan’yaxu xökümäteneñ faşist säyäsäteneñ fälästinlelär belän genä çiklänmäwen häm İzrailneñ zolımına qarşı köräşüçelärneñ barısın da nişan itep aluın kürsätüenä basım yasaldı.
Räsmi zatlar flotta qatnaşuçılar arasında watandaşları bulğan başqa illär häm gumanitar oyışmalar belän bergä êşläwlären assızıqladılar.
