Kolumbiyanıñ könyagında 125 keşene utırtqan xärbi oçqıç hälakätkä oçraw näticäsendä, kimendä, 66 ğaskäri hälaq buldı, distälärçä keşe isä yaralandı.
“Hercules C-130” tibındagı oçqıç Êkvadornıñ könyaq çigenä yaqın Puêrto-Leguizamodan hawağa kütärelep kitkäç tä kilep töşä. Yanuçı oçqıç qaldıqları urmanlıq alanga çäçelä.
Kolumbiya Hawa köçlärenä qarawçı oçqıç 114 ğaskäri personal häm 11 êkipaj äğzasın utırtqan.
General Karlos Fernando Silva Ruêda oçqıçtagı keşelärneñ ğomumi sanın rasladı. Räsmi zatlar hälakättän soñ 48 keşeneñ qotqarıluın belderde.
21 keşe isä haman da yuğalğan dip sanala.
İlbaşı Gustavo Petro yasağan berençe açıqlawında hälakätneñ säbäbe bilgele tügellegen belderde.
Problemalı sanaluçı çik buyı töbäge soñgı atnalarda Kolumbiya häm Êkvador köçläreneñ narkotik kontrabandası belän şöğıllänüçe kartellärğa qarşı köräş alıp barğan qızu xärbi xäräkätlär mäydanı buldı.
