Tışqı êşlär ministrı Xaqan Fidan üzeneñ Yaña yıl yullamasında Törkiyäneñ 2026 nçı yılda tınıçlıq, totrıqlılıq öçen tırışlıqlarda liderlığın däwam itäçägen, küp’yaqlı diplomatiyäne nığıtaçağın häm gumanitar cawaplılığın ütäyäçägen äytte.
Ul çärşämbe könne “NSosyal” häm “X” platformalarında urtaqlaşqan yullamasında Törkiyäneñ uzğan yıl Ğazzä häm Ukrainadan alıp Kön’yaq Kavkazğa häm Afrikağa qadär kiñ geografik kiñlektäge krizislarnı xäl itü öçen ışanıçlı aktyer häm möhim adres bularaq ayırılıp toruın belderde.
Fidan äytüençä, Törkiyä ilbaşı Räcäp Tayyip Ärdoğan citäkçelegendä milli mänfäğat’lärne häm ğadel däğ’walarnı yaqlawğa yünältelgän küpqırlı ,balanslı häm realistik tışqı säyäsät alıp bara.
“Bez milli mänfäğat’lärebezne yaqlaw, xaqlı däğ’walarıbız öçen köräşü häm Törkiyäneñ yoğıntısın sizderü öçen êşlädek. 2026 nçı yılda da bez bu yünäleştä qatğıy räweştä êşläwne däwam itäçäkbez”,- dide tışqı êşlär ministrı.
Xaqan Fidan şulay uq Törkiyädä häm çit illärdäge watandaşlarğa Yaña yıl teläklären citkerde.
2026 nçı yılnıñ Törkiyägä, törek xalqına häm böten keşelekkä tınıçlıq häm izge niyätlär alıp kilüen teläde.
