Kuba häm Kolumbiyä liderları şimbä könne Venesuêlada bulğan AQŞ xärbi höcümnärenä qatı reaksiyä kürsätte.
Kuba däwlät başlığı Migel Dias-Kanel "X" çeltäre aşa yasağan belderüendä: “Kuba Venesuêlağa yünältelgän cinayäti AQŞ höcümen gäyepli häm xalıqara cämğıyättän aşığıç reaksiyä kötä”, — dide. Dias-Kanel töbäkneñ “wäxşilärçä höcümgä duçar buluın” belderep, monı “qıyu Venesuêla xalqına häm Bezneñ Amerikabızğa qarşı däwlät terrorı” dip atadı.
Kolumbiyä prezidentı Gustavo Petro isä Venesuêladağı şartlawlar häm ğädättän tış hawa xäräkätläre turındağı xäbärlärneñ kiyerenkelekne arttıruına borçuluın äytte. Petro tınıç xalıqnı xäwef astına quyaçaq yäki xälne naçaraytaçaq “härtörle beryaqlı xärbi xäräkätne” kire qaqtı.
Venesuêla citäkçelege AQŞnı Karakas häm başqa şähärlärdäge tınıç häm xärbi ob’yektlarğa höcüm itüdä gäyepläde.
