“Gallup” ütkärgän ber anketa näticälärenä kürä Tel-Avivnıñ Gazzägä qarşı genoŝid kebek suğışınnan soñ, Amerikalılar berençe märtäbä İzraillelärgä qarağanda fälästinlelärgä kübräk simpatiya toya.
Comğa könne bastırılğan anketağa kürä Amerikalılarnıñ 41%ı fälästinlelärgä, 36%ı isä İzrailgä yaqlaw kürsätä. Qalğan öleşe isä qararsız yäisä “bersen dä yaqlamıym” dip cawap birgän.
Bu ayırma “Gallup” 20 yıldan artıq bu sorawnı birä başlağanannan birle İzrailneñ berençe märtäbä alda barmawın añlata.
Şulay uq, bu kürsätkeç ber yıl êlekkege wazğıyät belän çağıştırğanda (ul waqıtta İzrail 46% belän alda ide) küzgä kürenerlek ayırmanı kürsätä.
Kemgä qarata simpatiyä toyuları turındağı sorawğa, bäysez watandaşlar Fälästin xalqın 11%lıq ayırma belän yaqlawların belderde.
AQŞ ilbaşı Donald Trampnıñ Cömhüriyätçe partiyäse äğzaları 70% belän İzrailne köçle räweştä yaqlarğa däwam itä.
Demokratlarnıñ İzrailgä qaraşları isä soñğı un yılda tiskäre yaqqa üzgärde.
Şul waqıttan birle İzrail säyäsi cähättän kisken räweştä uñ yaqqa taypıldı. Qayber Demokrat saylawçılar êlekkege däwlät başlığı Djo Baydennı 2023 yılnıñ 7 oktäbrennän soñ Fälästinneñ Ğazzä töbägenä qarata alıp barılğan räximsez suğışnda İzrailne tıyıp toru öçen citärle çaralar kürmäwdä ğayepläde.
Soñğı anketa näticälärenä kürä Demokratlarnıñ 65%ı fälästinlelärgä, 17%ı isä İzrailgä simpatiyä toyuların belderde.
“Gallup” bu anketanı 2026 yılnıñ 2-16 fevral’ könnärendä, AQŞta yäşäwçe 1001 keşe belän telefon aşa ütkärde.
