Rusiyä belän Ukraina 3 keşeneñ ülemenä häm 10nan artıq keşeneñ yaralanuına kitergän dron höcümnärendä ber-bersen ğayepläde.

Perm gubernatorı Dmitriy Maxonin beldergänçä hawa saqlanu sistemaları tön buyı 39 dronnı töşergän, ber sänägät qorılmasına oyıştırılğan höcüm näticäsendä ber keşe ülgän.

Ulyanovsk gubernatorı Aleksey Russkix 8 keşeneñ yaralanuın citkerde. Alar arasında ber bala da bar.

Voronej gubernatorı Aleksandr Gusev 4 keşeneñ yaralanuın, töbäktä 88 dronnıñ bärep töşerelüen xäbär itte.

Rostov gubernatorı Novoşaxtinsktağı neft êşkärtü zavodına zıyan kilüen, êşxanädä êşlärneñ tuqtatıluın läkin ülüçelärneñ bulmawı turında belderde.

Rusiyä saqlanu ministrlığı äytüençä tön buyı 18 töbäktä, Qara diñgez östendä häm yaw astındağı Qırımda barlığı 592 Ukraina dronı bärep töşerelgän.

Ukrainada höcümnär

Rusiyä Ukrainağa tön buyı oyıştırğan höcümnärdä Kiyev yanında Ukraina şirkäte “Fire Point”ka bäyle dronnar cıyu qorılması belän Odessada Ukraina armiyasenä yärdäm itüe äytelgän logistika üzäkläre häm port asqormasına utnıñ açıluın açıqladı.

Ukraina hawa köçläre Rusiyädän tönlä oçırtılğan 295 dronnan 267esen bärep töşerüen belderde.