İlbaşı Räcäp Täyyip Ärdoğan comğa könne 2023 yılnıñ 6 fevralendä Törkiyäneñ kön’yaq vilayät’lärendä barlıqa kilgän cir teträwlärdä hälaq bulğan watandaşlarnı iskä alu uñayınnan yullama yasadı.

Ul il tarixındağı iñ ülemle afätlärneñ berse bulğan cirteträwlärneñ öçençe yıllığına bağışlanğan möräcäğatendä däwlätneñ cimerelgän şähärlärne yañadan torğızu turındağı wäğ’däsen ütäwen belderde.

Törkiyäneñ sośial’ media platforması “NSosyal”da urtaqlaşqan yullamasında Ärdoğan öç yıl êlek 11 vilayät’kä zıyan kitergän  ike cirteträwdä hälaq bulğan keşelärne  berqayçan da onıtılmayaçağın äytte.

İlbaşı xökümätneñ hälaq bulğannarnıñ mirasın saqlaw häm cimerelgän  töbäklärne  torğızırğa süz birüen assızıqladı.

“Bügen, Allaһnıñ röxsäte belän, bez bu burıçnı ütädek. 3 yıl kebek qısqa waqıtta şähärlärebezne torğızdıq häm yañarttıq.  Bez wäğ’däbezne ütädek”,-dide ul.

Ärdoğan urtaqlaşqan yazmada 2023 yılğı cimerelülär belän bergä yaña tözelgän toraq yortalar, infrastruktura häm däwlät oyışmaları binalarınıñ räemnäre kürsätelgän video da bar ide.

Qahramanmaraş vilayätendä bulğan ike ayırım cirteträw un meñlägän keşeneñ ğömeren özde häm Törkiyäneñ kön’yağına zur zıyan kiterde.

Ärdoğan­nıñ comğa könne cirteträwlärdä hälaq bulğan watandaşlarnı iskä alu çaralarında qatnaşuı da kötelä.