Törkiyä ilbaşı Ärdoğan İndoneziya däwlät başlığı Prabovo Subianto belän ütkärgän telefon söyläşüendä Yaqın Könçığıştağı bäreleşlärne şunduq tuqtatunı taläp itte.

Pänceşämbe könne ütkärelgän söyläşüdä Ärdoğan: “İranğa qarşı höcümnär belän başlanıp Farsı qultığı illärenä cäyelgän qatlawlı bäreleşlär çılbırınnan qısqa waqıtta çığarğa kiräk”, — dide.

Ärdoğan, “Äl-Aqsa”nı maqsat itep alğan İzrail provokaŝiyalaren “qabul itelmäslek” dip atap: “İslamnıñ berençe qıyblasına kerüne tıyıp, anıñ kiläçägen yanaw astına quyğan İzrailgä qarşı möselman cämğıyätläreneñ tawışsız qalmawı möhim”, — dide.

Êlemtä räislege ike lidernıñ söyläşüdä şulay uq ike yaqlı mönäsäbätlär belän ber rättän regional’ häm global’ täräqqıyätlärne dä qarawların xäbär itte.