“YUNİSEF” Yämändä 137 meñnän artıq mäktäp yäşendäge balanıñ däwam itüçe konfliktlar arqasında belem ala almawların belderde.

BMOnıñ Xalıqara balalarğa yärdäm kürsätü agentlığı düşämbe könne belderü yasap, törkemnärneñ bäreleşlärdä zıyan kürgän balalar öçen uñaylı urınnar häm waqıtlıça sıynıflar qoruın häm saqlaw xezmätläre täqdim itüen citkerde.

“YUNİSEF”: "Balalar konfliktlar arqasında üzläreneñ kiläçägen yuğaltmasqa tiyeş," — dide.

Agentlık comğa könge belderüendä yañadan başlanğan bäreleşlärneñ könbatıştağı Taiz provinśiyasendä häm Yämänneñ könbatış yarında urnaşqan rayonnardağı ğailälärne üz öylärennän kitärgä mäcbür itüen açıqlağan ide.

“YUNİSEF” BMOnıñ Xalıq sanı fondı häm Bötendönya azıq-tölek programması belän bergä öysez qalğan 14 meñnän artıq keşegä gumanitar yärdäm kürsätä.

Yämändä xalıqara däräcädä tanılğan xökümät köçläre belän xusilär arasındağı bäreleşlär iyul başınnan birle kiskenläşte.