İran BMO ğomum särqätibe Antoniu Guterreşka Tähran citäkçelege xärbi höcümgä duçar bulğan oçraqta töbäktä doşman köçläre dip atağan tarafnıñ barlıq bazaların, qorılmaların häm mölkäten legitim maqsatlar bularaq qabul itäçägen belderde.

İrannıñ BMOdağı daimi missiyase pänceşämbe könne yazğan xatında, Amerika Quşma Ştatları ilbaşı Donald Tramp İran belän bäyle äytkän süzläreneñ çın xärbi höcüm yanawına işarät itüe, İrannıñ suğışırğa telämäwe bilgeläp ütelde.

Xatta İran xärbi höcümgä duçar bulsa, täwäkkäl räweştä cawap qaytaraçağı belderelde.

İran bu reakŝiäne Trampnıñ Vaşington citäkçelege belän alıp barılğan söyläşülärdä İrannıñ kiläse 10 köndä mäğnäle ber kileşü tözü tiyeşlege, yäisä naçar närsälärneñ bulaçağı turında kisätüennän soñ belderde. Tramp şul uq waqıtta töbäkkä xärbi qorablar, xärbi oçqıçlar häm başqa xärbi texnika cibärde.

Trump, Ğazzädä totrıqlılıqnı urnaştıru omtılışı bulğan Tınıçlıq şurasınıñ açılış utırışında bolay dide: "Yıllar däwamında İran belän mäğnäle kileşü tözüneñ ciñel tügellegen kürdek. Mäğnäle kileşü tözü kiräk yäisä naçar närsälär bulır."

Kileşü bulmağan oçraqta Vaşington citäkçelegeneñ tağın ber adım yasarğa mäcbür bulaçağı turında kisätkän Tramp: "Zur ixtimal belän kiläse 10 köndä bu turıda işetersez," — digän ide.