AQŞ diplomatlarınıñ Omandağı "Xusilär”neñ wäkilläre belän Qızıl diñgezdä kiyerenkelekneñ artuı häm navigatsiyä qurqınıçsızlığı turında fiker alışu öçen oçraşuı xäbär itelä.
“Axios” agentlığı töbäk çığanaqlarına sıltama belän xäbär itüençä, Oman xökümäte aradaşçılığında uzğan oçraşu yakşämbe könne Oman başqalası Maskattagı AQŞ ilçelegendä uzğan.
Oçraşu barışında AQŞ diplomatları AQŞ häm "Xusilär" arasında 2025 yılnıñ mayında tözelgän utnı tuqtatu kileşüen däwam itüne häm global' säwdä öçen bik möhim bulğan Bab äl-Mandeb buğazın açıq qaldırunı sorağan.
"Xusilär"neñ wäkilläre, xäbärgä qarağanda, Vaşington belän utnı tuqtatu kileşüenä tuğrılıqların belderde häm höcümnärneñ barı tik Soğud Ğaräbstanı sudnolarına ğına yünältelüen assızıqladı.
"Xusilär" Bab äl-Mandeb aşa ütüçe başqa barlıq xalıqara sudnolarğa da irekle yözü mömkinlege birülären ışandırğan.
