Räsmi zatlar äytüençä, Mêrilend ştatınıñ Annapolis şähärendäge AQŞ Diñgez xärbi mäktäbe yanawlardan soñ karantinğa alındı. Xäbärlärdä waqıyğada diñgez xärbi mäktäbeneñ êlekke uquçısınıñ qatnaşuı turında äytelä.
Annapolis şähär xakimiyäte pänceşämbe könne yasağan belderüdä: “Annapolis Diñgez yärdäm bazası cirle xoquq saqlaw köçläre belän koordinaśiyäle räweştä Diñgez xärbi mäktäbenä qarata yanawlarğa cawap birä. Baza saqlıq çaraları qısasında karantinğa alındı. Waqıyğalar turında mäğ’lümat birüne däwam itäçäkbez”,– dip äytelde.
“Fox News” xäbärenä qarağanda, diñgez xärbi mäktäbe uquçıları yäşägän Bancroft Hall binasında atış tawışları işetelgän. Şul uq xäbärdä kampusta bulğan räsmi zat süzlärenä nigezlänep, “Höcümçe xärbi poliśiya xezmätkäre bulıp kiyenep işeklärne şaqıy” digän süzlär dä citkerelä.
