AQŞ Üzäk küzläw idaräse (CIA) citäkçese Djon Rätkliffnıñ Rusiyä Federal' qurqınıçsızlıq xezmäte (FSB) başlığı Aleksandr Bortnikovnı Ukraina belän kileşügä kilergä öndäwe farazlana.

“The New York Times” gazetında isemnäre atalmağan xäzerge häm êlekkege türälärgä sıltama belän yazılğan xäbärgä qarağanda, bu belderülärr Rätkliffnıñ aldağı könne Mäskäwgä säfärenä qağıla.

Xäbärdä Rätkliffnıñ Mäskäwgä ruslarnı, xärbi häm iqtisadi xäle tağın da naçarlanğançı, (Ukraina belän) kileşügä kilergä öndäw öçen baruı äytelä.

Rätkliff bu xäbärne FSB direktorı Bortnikovqa citkergän, läkin Rusiyä yağına, suğışnı däwam itünr saylağan oçraqta, mömkin bulğan näticälär turında bernindä dä yanawlar yasamağan diyelä.

Xäbärdä, şulay uq, Rätkliffnıñ säfäre Rusiyä häm Ukraina arasındağı tuqtap qalğan söyläşülärne yañadan torğızu omtılışı bularaq añlatıla.