Ofis mäğlümatlarına kürä utnı tuqtatu kileşüe ğamälgä kergännän soñ İzrail armiyase höcümnärendä 342 keşe ülde, 875 keşe yaralandı.

Şimbä könne 24 keşeneñ ğomeren özgän häm 87 keşene yaralağan 27 höcüm oyıştırılğan.

10 oktäbrdän birle küzätelüçe höcümnär arasında grajdanlılarnı, öylärne häm yortsızlar yäşägän çatırlarnı maqsat itep alğan 142 utlı höcüm, sarı liniya aryağında oyıştırılğan 21 cir östennän höcüm, 228 hawadan, artilleriya häm cir öste höcüme, şulay uq 100 öyne cimerü bar.

Media ofisı bu wazğıyätneñ kümäk cäzağa tartu häm cimerüne kiñäytü tırışlığı buluın belderde.

Basıp alular häm höcümnärdä 35 fälästinle qulğa alınğan.

Ğazzäneñ Grajdanlılarnı yaqlaw oyışması monnan alda utnı tuqtatunı bozğan yaña waqıyğada şimbä könne Ğazzäneñ törle urınnarında öylär häm ber transport çarasına yünälgän hawadan höcümnärdä kim digändä 22 fälästinleneñ ülüen açıqlağan ide.

İzrail utnı tuqtatu kileşüe qısalarında Ğazzäneñ 50%ınnan artığın yawlarğa däwam itä.

Sarı liniya armiya urın alğan cirlärne fälästinlelär yäşägän töbäklärdän ayırıp tora.

İzrail armiyase küptän tügel sarı liniyaneñ könçığışında höcümnärne qabat arttırdı, tirä-yaqtağı urınnarnı töbäk xalqı öçen qurqınıç xälga kiterde.

İzrail 2023 yılnıñ oktäbrennän birle 70 meñ fälästinlene üterde. Küpläp üterüdä 170 meñ 800dän artıq keşe yaralandı.