AQŞ Kön’yaq komandirlığı Tın okeanda narkotiklar taşıy dip farazlanğan köymägä höcümdä 4 narkotik terrorçısınıñ üterelüen belderde.
AQŞ Kön’yaq komandirlığı çärşämbe könne yasağan belderüendä AQŞ armiyäseneñ Tın okeannıñ könçığışında narkotikar kontranbandası êşçänlege belän şöğıl’länüçe terror oyışması tarafınnan êşlätelgän köymägä ütergeç kinetik höcüm yasawın citkerde.
Belderüdä: “Barlığı 4 ir-at narkotik terrorçısı üterelde, AQŞ ğaskäriläre zıyan kürmäde”,-diyelde.
Bu soñğı höcüm belän ülüçelär sanı 99 ğa citkän. AQŞ sentyabr’ ayınnan birle Karib diñgezendä häm Tın okeannıñ könçığışında narkotiklar kontrabandasında qatnaşuı däğ’wa itelgän köymälärgä höcüm oyıştıra.
AQŞ ilbaşı Donal’d Tramp şulay uq Venesuêla yarlarında şaqtıy ğaskär urnaştırunı täêmin itep, bu atnada Karakaska kitkän häm annan qaytqan häm sankśiyälärä duçar bulğan köymälägä blokada kertte.
Bu waqıyğalar AQŞ alıp barğan kampaniyäneñ narkotiklar äyläneşen tuqtatudan bigräk rejimnı üzgärtügä yünälüen alğa sörgän Venesuêla däwlat başlığı Nikolas Maduroğa basımnı arttıra.
