BMO İminlek şurası monnan alda Awrupanıñ atom-töş kileşüneñ ütälmäwe däğwasınnan soñ 30 könlek barış başlattı, bu barıştan soñ Tähran citäkçelegenä qarata sankśiyalärne betermäw qararın qabul itkän ide.
Rusiyä räsmi xäbär agentlığı “RIA”nıñ İran ilçelegenä tayandırğan xäbärenä kürä İrannıñ Atom ênergiyase oyışması başlığı Möxämmäd İslami söyläşülärdä qatnaşır öçen Mäskäwgä kilde.
Öç Awrupa ile İrannıñ 2015 yılğı atom-töş kileşüen ütämäwe nigeznamäse belän sankśiyalärne qabat kertü öçen 30 könlek barış başlattı. Monnan soñ BMO iminlek şurasınıñ 15 äğzase uzğan aynı Tähran citäkçelegenä kertelgän sankśiyalärne betermäw qararın qabul itte.
İran atom-töş qoral citeşterü kebek niyäteneñ bulmawın beldergändä Rusiyä Tähran citäkçelegeneñ tınıç maqsatlı atom-töş ênergiya xaqqı yaqlı buluın äytä.
“RİA” şul uq waqıtta İran ilbaşı urınbasarı bulğan İslamineñ Mäskäwdä kem belän küreşäçägen açıqlamadı.
İran Xalıqara atom ênergiyase oyışması belän xezmättäşlegen tuqtataçaq
BMO iminlek şurasınıñ Tähran citäkçelegenä qarağan sankśiyalärne daimi bularaq beterüne kire qağuınnan soñ şimbä könne İrannıñ Milli yuğarı iminlek şurası Xalıqara atom ênergiyase oyışması belän xezmättäşlegen tuqtataçağın açıqladı.
İran däwlät televideniyese “Press TV”da açıqlanğan belderügä kürä İrannıñ yuğarı däräcäle iminlek räsmi zatları Angliya, Franśiya häm Germaniyaneñ atom-töş programma belän bäyle uylamıyça yasalğan adımnarın ğayepläde. Belderüdä şulay uq İrannıñ atom-töş programmasınıñ tınıç maqsatlı buluı da assızıqlandı.
BMO iminlek şurası 2015 yılğı atom-töş kileşü belän beterelgän İranğa sankśiyalärneñ qabat ğamälgä kerüenä kirtä quyuçı qarar ölgesen comğa könne raslıy almadı.
Bu ayda şura başlığı bularaq Könyaq Koreya tarafınnan täqdim itelgän ölgeneñ maqsatı BMOnıñ êlekke sankśiya qararlarınıñ ğamäldän çığuına qarar birep, İranğa qarata kertelgän çikläwlärne beterü.
Läkin Rusiyä, Qıtay, Paqıstan häm Aljirnıñ İran öçen tawış birüenä qaramastan barlığı 9 tawış kiräk ide. Gayana häm Könyaq Koreya bitaraf tawış birgändä Angliya, Franśiya, Daniya, Sloveniya, Syerra-Leone, Panama, AQŞ, Greśiya häm Somali ölgegä qarşı tawış birde.
Awrupanıñ öç ile bulğan Angliya, Franśiya häm Germaniya İrannıñ atom-töş êşçänleklärenä çikläw kertkän 2015 yılğı atom-töş kileşüenä qul quydılar.
