Törkiyä tışqı êşlär ministrlığı Fransiyä bayrağı astındağı sudnonıñ Törkiyäneñ Urta diñgezdäge kontinental şelfında röxsätsez diñgez fänni tikşerenüläre ütkärü omtılışı turında yazmaça belderü yasadı.
Anda Fransiyä bayrağı astındağı sudnonıñ Törkiyäneñ kontinental şelfında röxsätsez kabellär salu belän bäyle qanunsız diñgez fänni tikşerenüläre ütkärergä niyätläwe bilgeläp ütelä.
Belderüdä Gretsiyä häm Kipr Grek idaräseneñ bu maqsatlar öçen birgän röxsätsez navigatsiya turında kisätü belderüläreneñ Törkiyä tarafınnan yuqqa çığarıluı bilgeläp ütelä häm bolay dip östälä: "Xalıqara diñgez xoquqınıñ bilgelängän nigezlämälärenä turı kiterep, sudno bezneñ kontinental şelf çiklärendä başqarırğa planlaştırğan êşçänlekneñ ber öleşe öçen ilebezdän taläp itelgän rizalığın alu protsessı äle tamamlanmağan. Xalıqara xoquq nigezendäge suveren xoquqlarıbıznı yaqlawğa qarata bezneñ täwäkkällegebez nıq qala, häm bez töbäktä xezmättäşlekkä, dialogqa häm koordinatsiyägä nigezlängän alımnı qullanunı däwam itäçäkbez."
