“Axios” xäbär portalı AQŞqa häm diplomatik çığanaqlarğa nigezlänep beldergänçä, Aq Yort Ğazzä utnı tuqtatuınıñ ikençe êtabına küçü häm suğış tar-mar itkän Fälästin cirlärendä yañadan torğızu tırışularına aqça cıyu maqsatınnan çığıp 19nçı fevraldä Ğazzä tınıçlıq şurasınıñ liderlar sammitın qabul itärgä planlaştıra.

“Axios”, AQŞnıñ räsmi ber zatının süzlären kiterep: "Bu – Tınıçlıq şurasınıñ berençe cıyılışı häm Ğazzäneñ yañadan torğızıluı öçen fond cıyu konferenśiyäse bulaçaq”, - dip äytte.

Xäbärgä qarağanda, Tramp citäkçelege liderlarnı çaqıru häm logistik mäs’älälärne söyläşü öçen distälägän il belän êlemtägä kerä başlağan.

Cıyılışnıñ Waşingtondağı Tınıçlıq institutında ütkärelüe kötelä.

Ber çığanaq “Axios”qa: "Älegä bernärsä dä raslanmağan, läkin AQŞ administraśiyäse monı planlaştıra häm qaysı citäkçelärneñ kilergä mömkinlegen tikşerä başladı", – dip äytte.

Netanyahunıñ planlaştırılğan cıyılıştan ber kön aldan 18nçe fevraldä AQŞ İlbaşı Donald Tramp belän söyläşüe küzdä totıla.

Netanyahu Trampnıñ İzrailne idarä şurasına çaqıruın qabul itte, fäqät älegä qağidanämägä qul quymadı.

Qatnaşqan oçraqta Netanyahunıñ “Xamas” Fälästin qarşılıq kürsätü oyışmasınıñ 7nçe üktäbr höcümennän häm annan soñ İzrailneñ Ğazzägä qarşı höcümnärennän birle ğäräp häm möselman liderları belän cämäğätçelek aldındağı täwge oçraşuı bulaçaq.

Sammit plannarı äle başlangıç stadiyädä häm üzgäreşlärä duçar bula ala.

Aq Yort bu mäs’älädä añlatma birüdän baş tarttı.