Nigeriyada qorallı keşelär Niger töbägendäge katolik mäktäbennän 52 uquçını urlağan. Bu xaqta “Arise News” telekanalı xäbär itä.

Niger töbäge xökümäte yasağan belderüdä waqıyğa raslandı, ämma urlanğan uquçlarnıñ tögäl sanı haman da tikşerelüe äytelde.

Nigeriyada qorallı törkemnärneñ höcumnäre artuı küzätelä. Sişämbe könne Kebbi töbägendäge internat mäktäbennän 25 qız uquçnıñ urlanuı da bu oçraqlarnıñ berse.

Niger töbäge politsiyase taktika berämlekläre häm xärbi köçlärneñ uquçlarnı êzläw öçen cibärelüen äytte.

Nigeriyanıñ könbatışında sişämbe könne başqa ber höcümdä qorallı keşelär çirkäwdä ğıybadät waqıtında ike keşene ütergän. Höcüm waqıtında çara internet aşa turıdan-turı tapşırıla torğan bulğan.

Çirkäw wäqalätlese “Reuters”qa intervyusında qorallı keşelärneñ tağın 38 ğıybadät qıluçını urlawın häm härberse öçen 100 million naira (yakınça $69,000) taläp itüen citkerde.