Törkiyä tışqı êşlär ministrlığı süzçese Öncü Käçäli üzeneñ sotsiyal media akkauntında Srebrenitsa genotsidınıñ töp cinayätçeläreneñ berse, "Bosniya itçese" quşamatlı Ratko Mladiçnıñ cenazası turında yazma urtaqlaştı.

Käçäli üz belderüendä bolay dide: "Xalıqara mäxkämälär tarafınnan genotsid, keşelekkä qarşı cinayätlär häm suğış cinayätläre öçen xökem itelgän Ratko Mladiçnıñ cenazası qılınğan awır cinayätlärne häm keşe ğazapların inkar' itügä tiñ räweştä başqarıluı qabul itelmi".

"Bu tınıçlıq häm tatulaşu öçen däwam itüçe tırışlıqlarga zıyan kiterä"

Käçäli bu mäxkämä qararların kire qaqu yäki xökem itelgän cinayätçelärne danlaw qorbannarnıñ häm alarnıñ tuğannarınıñ ğazapların tiränäytä dip bilgeläp ütte häm monıñ töbäktä yıllar däwamında nıqlı räweştä däwam itelgän tınıçlıq häm tatulaşu tırışlıqlarına zıyan kiterüen assızıqladı.

Käçäli Balkanga ütkännän kiräkle sabaqlarnı alu häm bergäläp tınıç, çäçäk atuçı häm urtaq kiläçäk tözü kiräklegen belderde, şulay uq, Bosniya suğışı waqıtında ğomerläre özelgän barlık ğayepsez keşälärne, bigräk tä, Srebrenitsa genotsidı qorbannarın xörmät belän iskä aldı häm alarnıñ ğailäläreneñ qayğısın urtaqlaştı.