Äminä Ärdoğan İstanbul gubernatorlığı ximayäsendä, "Qaldıqsız dönya" waqıfı koordinaśiyäsendä Atatörek aêroportında oyıştırılğan "Qaldıqsız dönya forumu - 2026"nıñ açılışında qatnaştı.
Biredä çığış yasağan Ärdoğan İstanbulnıñ keşelekneñ urtaq xätere urın alğan, śivilizaśiyalär oçraşqan, dönyanıñ iñ ozın ğomerle başqalası buluın belderep, bügen forumda 183 ildän wäkil, 500dän artıq oyışma häm 5 meñnän artıq qatnaşuçını qunaq itülären äytte.
Äminä Ärdoğan, İstanbulnıñ tağın ber qat mädäniyätlärne oçraştıruın äytep: "Näq menä şul säbäple bu forumnı keşelek ğailäse urtaq ideal tiräsendä berläşkän tarixi oçraşu bularaq küräbez. Bu köçle xalıqara qatnaşunıñ Xörmätle ilbaşıbıznıñ “Dönya biştän zurraq” yullamasınıñ konkret çağılışı buluın uylıym," - dide.
Forumda qatnaşqan härkemgä räxmätlären citkergän Ärdoğan tübändägeçä däwam itte: "Biredän kütäreläçäk sinergiyaneñ urtaq kiläçägebez öçen ör-yaña başlanğıçlarğa säbäp buluın telim. Bu mäğnäle oçraşu uñayınnan “Qaldıqsız dönya” waqıfıbızğa forumnı oyıştıruda kürsätkän zur xezmätläre öçen räxmät äytäm. Dönyanıñ iñ kiñ qırlı xalıqara êkologiya oçraşuınıñ bersen oyıştıralar. Waqıfıbıznıñ härber äğzasın qotlıym, üzlären yöräktän alqışlıym. Yärdäm itkän ministrlıklarıbızğa häm İstanbul gubernatorlığında da räxmätemne citkeräm."
Äminä Ärdoğan, Tın okeannıñ tönyagında, tonnalarça çüp-çar häm plastiktan torğan 1,6 million kvadrat çaqrım zurlığındağı çüplek qıytğası buluın, bu urınnıñ ul kiñ zäñgärlekneñ urtasında, resurslarnı tuzdırıp qullanğan keşelek draması bularaq toruın belderde.
“Kön sayın okeannarğa 2 meñ çüp maşinasına tiñ plastik qaldıqlar êlägüe qaldıqlar belän idarä itü mäs’äläse genä tügel,” – dide ul.
Ärdoğan Törkiyädän ike tapqır diyärlek zurraq mäydan bulğan bu qaldıq cıyılması klimat krizısı artındağı israf häm qullanu krizısın añlata dip belderde.
Äminä Ärdoğan bıyıl ikençese oyıştırılğan forum qısalarında 183 il wäkile, 500dän artıq oyışma, 5 meñnän artıq qatnaşuçını İstanbulda qunaq itülären assızıqladı.
Ärdoğan, İstanbul gubernatorlığı, “Qaldıqsız dönya” waqıfı häm bäyläneşle ministrlıklar belän ber rättän forumnıñ oyıştırıluında xezmäte kergän härkemgä räxmät äytte.
