Ukrainanıñ AQŞtağı ilçese çärşämbe könne Mäskäw citäkçelegenä qarşı köç kürsätüneñ genä täêsirle bula alaçağın belderep, ilbaşı Donald Tramp tarafınnan Rusiyägä kertelgän häm küptännän kötelgän sankśiyalärne xupladı.
“Bu qarar Ukrainanıñ tınıçlıqnı köç qullanıp, agressivlıkka qarşı barlıq xalıqara çaralarnı kürep häm maksimum basım yasap urnaştırıp bula digän poziśiyasenä tulısınça turı kilä,” - dip äytte ilçe Olga Stefanişına.
Awrupa Komissiyase başlığı Ursula fon der Lyayen da çärşämbe könne AQŞ qazna ministrlığınıñ Rusiyaneñ zur neft kompaniyalärenä sankśiyalär kertü qararın xupladı.
Ulı şulay uq AQŞ sankśiyaläreneñ Awrupa berlegeneñ Rusiyägä qarşı 19nçı sankśiya paketınıñ ozaqlamıy qabul itelüe belän berläşkäç Atlantik okeanınıñ ike yağınnan da höcümçegä qarşı kümäk basımnıñ däwamı bulaçağın äytte.
Çärşämbe könne AQŞ Rusiyaneñ iñ zur ike neft şirkäte bulğan “Rosneft” häm “Lukoil”ğa yaña sankśiyalär kertte häm bu Rusiyäneñ tınıçlıq urnaştıru barışına citdi qaramawı belän añlatıldı.
Qazna ministrlığı belderüendä bu çaralarnıñ Rusiyäneñ ênergetika tarmağına tä'sir itep, Kremlneñ suğış öçen kerem cıyu mömkinlegen kimetü häm iqtisadın zäğıyflätü maqsatlı buluın äytte.
