Törkiyä ilbaşı Räcäp Täyyip Ärdoğan Kosovonıñ yaña ilbaşı Yustina Şiroka Pulyanı wazıyfasına kereşüe belän qotladı häm aña uñışlar teläde.

Kosovo ilbaşı idaräsennän yasalğan yazma belderügä qarağanda, Şiroka Pulya wazıyfasına kereşüe uñayınnan Törkiyä ilbaşı Räcäp Täyyip Ärdoğannan qotlaw xatı aldı.

İlbaşı Ärdoğan xatında törek xalqı häm üz isemennän Şiroka Pulağa çın küñeldän qotlawların citkerde häm ike il arasındağı küpqırlı xezmättäşlekneñ aldğı çorda da üsäçägenä ışanuın belderde.

Ärdoğan Şiroka Pulya wazıyfada bulğan çorda ike il arasındağı xezmättäşlekneñ töbäk totrıqlılığına häm tınıçlığına kertkän öleşen tağın da arttıraçağına ışanuın assızıqladı.

Xat axırında Şiroka Pulyağa sälamätlek häm bäxet telägän ilbaşı Ärdoğan dus häm tuğandaş dip atağan Kosovo xalqına da iminlek häm mullıq teläde.