Fidan comğa könne alman wazıyfadaşı Yoxann Vadeful’ belän ütkärgän urtaq matbuğat oçraşuında “Törkyä Ğazzä öçen sulış, Fälästin öçen ömet bulıp qaluın däwam itäçäk. Ğazzäne torğızu tırışlıqlarına aktiv räweştä yaqlaw kürsätüne däwam itäçäkbez” dip äytte.
Ul bolay dip östäde:
“Ğazzädä tözeläçäk här bina keşelekneñ urtaq vöcdanınıñ äsäre bulaçaq. Älegä bez yulnıñ başında ğına. Bezneñ iñ soñğı maqsatıbız – ike däwlätle çişeleşne tormışqa aşıru häm barlıq qayğı-xäsrätlärgä qaramastan tınıçlıq häm mullıq xökem söräçäk Yaqın Könçığış buldıru.”
Fidan äytüençä, utnı tuqtatu täêmin itelgännän soñ Änkara Ğazzägä şunduq yärdäm tırışlıqların arttırdı.
Ul Ğazzädäge gumanitar yärdäm êşçänlegen ozın möddätle häm sistemalı räweştä alıp barırğa kiräklegenä basım yasadı.
Tışqı êşlär ministrı şulay uq Vadeful’ belän ütkärelgän söyläşülärdä Änkara häm Berlinnıñ Ğazzädäge utnı tuqtatu kileşüeneñ däwam itüe, gumanitar yärdämneñ moxtaclarga özleksez citkerelüe häm suğışnıñ daimi betüen raslawların belderde.
Missiya köçe, tınıçlıq şurası
Xaqan Fidan töbäktä daimi tınıçlıq urnaştıru öçen ike däwlätle çişeleşne tormışqa aşıru kiräklegen assızıqladı.
Ul Awrupa illäreneñ, ayıruça Germaniyäneñ, Fälästin häm Ğazzä mäs’älälärendä konstruktiv adımnar yasawınıñ ähämiyätenä iğ’tibar yünältep:
“Törkiyä kileşüne ğamälgä aşıruğa üz öleşen kertkän kebek, monnan soñ da bar köçen quyarğa äzer”, – dip belderde.
Fidan bu qısalarda ilbaşı Räcäp Täyyip Ärdoğannıñ missiya köçe, tınıçlıq şurası yäki xalıqara totıqlılıq köçe kebek mäs’älälärdä teläge buluın da belderde.
