Ramallaxnıñ könbatışındağı Şukba awılına İzrail köçläre oyıştırğan basqında yäş fälästinle yaralandı.

Fälästinneñ räsmi xäbär agentlığı “WAFA” beldergänçä, İzrail köçläre berniçä köbäle texnika belän awılğa kergän häm qayber kibetlärgä basqın yasağan, bu isä awıl xalqı belän bäreleşlär kiterep çığarğan.

Basqın waqıtında ğaskärilär çın yädrä, tawış bombası häm äçe gaz kapsulaları qullanğan.

İzrail ğaskäriläre yaralağan yäş fälästinleneñ xäle urtaça dip belderelde.    

Cirle çığanaqlarğa qarağanda, Şukbadağı basqın comğa tönendä Yordannıñ basıp alınğan Könbatış üzänlegendä Tubas, Bäyt Laxim, Ramallax häm Ärixanı da kertep berniçä cirlekkä yasalğan höcümnärneñ ber öleşe bulıp tora.