AQŞ İranğa qarşı ixtimal xärbi qatışu mömkinlegen qarağanda Kanada töbäktä däwam itkän kiyerenkeleklär säbäple İzrailneñ Tel’ -Aviv şähärendäge mäcbüri bulmağan diplomatik personalın häm alarnıñ ğailälären êvakuaśiyäli başladı.
Kanada xökümäte comğa könne yasağan belderüdä: “Kanadanıñ global’ êşlär oyışması Tel’-Avivta wazıyfa başqarğan mäcbüri bulmağan xezmätkärlärne häm alarnıñ ğailälären waqıtlıça başqa urınğa küçerergä qara qıldı” dip belderde häm İzraildäge ilçelegenäñ êşçänlegen däwam itüen citkerde.
Belderüdä: “Livan häm Fälästindä êşläwçe Kanada xezmätkärläre häm alarnıñ ğailäläre üz urınnarında qala häm missiyälärebez ğadäti räweştä êşli”, – diyelde.
Xökümät şulay uq İrandağı kanadalılarnı, imin räweştä mömkin bulsa, xäzer kitärgä çaqırdı.
Bu waqıyğa Ottava üz grajdannarına İranğa qağılışlı kisätülären arttırğan waqıtta buldı. Xökümät comğa könne yañartılğan säyäxät kiñäşendä kanadalılarğa İranğa säyäxät itüdän bötenläy baş tartırğa çaqırdı häm ildä bulğan keşelärgä, qurqınıçsız bulsa, kitärgä kiñäş itte.
Xökümät, İran wäqalätleläreneñ üz xökümätenä säyäsi yäki diplomatik basım yasaw maqsatı belän çit il häm ike il grajdanlığı bulğan keşelärne dä kertep, qayber şäxeslärne saq astına aluın häm/yäki qulğa aluın xäbär itte.
Ottawa şulay uq qayber aviakompaniyälärneñ oçışlarnı tuqtatuın, läkin kommerśiya oçışları häm cir östennän çığu mömkinlekläre äle dä barlığın bilgelp ütte häm “Ägär qurqınıçsız bulsa, sez İrannan xäzer ük kitärgä tiyeşsez” dip belderde.
Xökümät “İranda konsullıq xezmätläre kürsatü mömkinleklärebez bik çiklängän” dip kisätte häm kanadalılardan xökümät êvakuaśiyälärenä tayanmağan ğadättän tış xällär plannarın buldıruların soradı.
AQŞ soñğı atnalarda töbäktäge xärbi köçen arttırdı häm İranğa atom -töş häm raketa programmalarınnan baş tartuı, şulay uq töbäk berlektäşlären çikläw öçen basım yasaw maqsatında xärbi variantnıñ kön tärtibendä buluın äytte.
Tähran isä Vaşington häm İzrailne tıqşınu häm rejim üzgäreşe öçen säbäplär tabuda ğäyepläde häm xätta çiklängän bulsa da teläsä nindi xärbi höcümgä cawap qaytaraçağın kisätte. İran şulay uq atom programmasına kerteläçäk çikläwlärneñ sankśiyälärne yomşartu belän bergä qaralırğa tiyeşlegen yaqladı.
Yaqlar pänceşämbe könne Jenevada atom -töş söyläşüläreneñ öçençe turın ütkärde.
Atom - töş diplomatiyäse uzğan ay yañadan başlanğannan soñ Oman aradaşçılığında ike tur turıdan-turı bulmağan söyläşülär ütkärelde.
Töbäktäge qayber illär, şul isäptän Törkiyä dä, kiyerenkelekne kimetü öçen tırışlıq kürsätte.
