Törkiyä İspaniya belän 2:2 isäbe belän uynap bärabärgä qaldı häm, E törkemendä ikençe urınnı täêmin itep, 2026nçı yılğı FIFA Dönya çempionatı plêy-offına çıqtı. İspaniya bu uyınnan soñ Dönya çempionatında qatnaşuın garanyiya astına aldı.
Seviliyädäge “La Cartuja” stadionında uzgan matçta, İspaniya 4nçe minutta Dani Olmonıñ tubı belän östenlek aldı, ämma Törkiyä 42nçe minutta Däniz Gül belän isäpne tigezläde.
Törkiyä 54nçe minutta Salih Özcannıñ yıraqtan kertkän golı belän alğa çıqtı. İspaniya isä 62nçe minutta Mikel Oyarzabal tubı belän isäpne tigezläde häm uyınnıñ näticäse 2:2 buldı.
Törkiyäneñ kertkän golları İspaniyanıñ saylap alu turlarında üz qapqalarında kürgän täwge tuplar buldı häm bu matçta İspaniya berençe tapqır bärabärgä uynadı.
Törkiyä plêy-offnıñ yarımfinalında Şvetsiyä, Rumıniyä, Tönyaq Makedoniya yäki Tönyaq İrlandiya komandalarınıñ berse belän oçraşaçak.
