Törkiyäneñ saqlanu sänäğäte gigantı “Roketsan” yaña buın yuğarı tizlekle küp maqsatlı “EREN” (Ärän) qoralın Soğud Ğäräbstanı başqalası Är-Riyadta oyıştırılğan “World Defense Show (WDS) 2026” yärminkäsendä täwge tapqır täqdir itelde.
Törkiyäneñ xärbi kiräk-yaraqları häm raketa sistemaları ölkäsendäge aldınğı citeşterüçese 8-12 fevral könnäre arasında ütkärelgän yärminkädä törle êşlänmäläre belän qatnaştı. Täqdim itelgän êşlänmälär arasında mini aqıllı xärbi kiräk-yaraqlar MAM-C, MAM-L häm MAM-T, hawadan cirgä ballistik yuğarı tizlekle raketa İHA-230, tankqa qarşı qısqa radiuslı “Karaok” qoralı, “Çakır” qanatlı raketası, “SOM” qoralı, “Sungur” hawa saqlanu raketa sisteması, “Hisar-O” hawa saqlanu raketası häm ozın radiuslı hawa häm raketa saqlanu sisteması “Siper” urın aldı.
“Roketsan” monnan tış “Bora”, “TRG-230” häm “TRG-300” raketaları belän bergä “KMC” taktik raketa cibärü sisteması häm “Burç” mobil hawa saqlanu sistemasın da kürsätte.
Ber yıldan da kimräk waqıt êçendä äzerlände
Şirkättän yasalğan belderüdä ber yıldan da azraq waqıt êçendä konśeptualläşterüdän operativ êşlänmägä äylängän “EREN” cirle qoralnıñ küp funkśiyäle “Bayraqtar Aqıncı” keşesez xärbi oçqıçında sınap qaraluı turında äytelde.
Bıyıl küpläp citeşterügä küçärgä uylanılğan “EREN” yuğarı tizlekle küp maqsatlı caylanması Törek qorallı köçläreneñ häm dus/berlektäş illärneñ operativ ixtıyacların qänäğätländerü öçen proyektlandı.
“EREN”neñ texnik üzençälekläre häm sälätläre
“EREN” – keşesez hawa apparatları (İHA), boralaqlar, ciröste transport çaraları, staśionar cir sistemaları häm diñez platformalarınnan oçırtıla alına. Xärbi caylanmanıñ iğtibarğa layıq başqa üzençälekläre tübändägeçä:
Tämek törlelege: tübän tizlekle hawa tämekläre belän bergä köbäle häm köbäsez ciröste tämeklären yuq itä alu säläte.
Xäräkät ozınlığı: “Roketsan” mäğlümatlärenä kürä, 100 çaqrımnan artıp kitkän operaśiyä radiusı.
Navigaśiyä: aldınğı yünäleş birü mömkinlekläre häm yasalma fähem yärdäme.
"Yaña operaśion segment"
“EREN” belän bäyle bularaq “Roketsan” Ğomum mödire Murat İkinci: "Hawadan cir östendäge, cir östennän cirdäge häm cirdän hawadağı tämeklärgä qarşı täêsirle bula alğan, üzqimmäte êffektiv, çığımı otışlı qoralnı êşläp çığarunı maqsat ittek", - dip äytte. Ğomum mödir İkinci “EREN”neñ keşesez hawa apparatlarınıñ bärü küäten möhim külämdä arttıraçağın häm avtonom sistemalar belän köbäle texnikanı da kertep, ciröste platformalarınnan yuğarı êffektivlı atularnı başqaruın täêmin itäçägen iskärtep uzdı.
Qoral sistemasına urnaştırılğan yasalma fähem algoritmları qamilläşterelgän oçış kontrol sensorları häm turboreaktiv motorınıñ yaña operativ mömkinlegen birüen belderüçe mödir İkinci keşesez ciröste apparatları, köbäle platformalar häm yaqın hawa saqlanu sistemalarına integraśiyä êşçänlegeneñ däwam itüen, kiläçäktä oçqıçlarğa da integraśiyälä alınaçağın iskärtep uzdı.
